ජීවීතයට සිතුවිල්ලක්

                 🌿🍁💕🌱❤🤲🤲🤲🍁🍁🍁 ජීවීතයට වදනක්

                     _______________________________________________

 

                       එක්තරා මහලු මිනිසෙක් දවසක් වේදිකාවක් මත හිඳ  අසුන්ගෙන සිටින ප්‍රේක්ෂකයන් වෙනුවෙන් ඉතා හාස්‍යජනක විහිලුවක් කරනවා.එහිදී එහි සිටි සියල්ලන්ටම මුවඟට නතර කරගත නොහැකි සිනහාවක් එනවා.මොහොතකින් මේ මිනිසා නැවතත් එම විහිලුව ආයේත් සිදු කරනවා එවිට ප්‍රේක්ෂකාගාරයේ සිටින අඬක් පමණක් සිනාහවෙනවා. මේ මහලු මිනිසා තෙවන වරටත් එම විහිලුව නැවතත් කරනවා.එවිට කිසිවකු සිනාහවෙන්නේ නැහැ .ඔවුන්  එය දකින්නේ විකාරයක් ලෙස. පසුව මෙම මහලු මිනිසා ප්‍රේක්ෂකාගාරය අමතමින් මෙහෙම අහනවා"ඔබ එකම විහිලුවට නැවත නැවත හිනාහවෙන්න අකමැතිනම් ඔබ එකම හේතුවකට නැවත නැවත අඬන්නේ ඇයි කියලා....නැවත නැවත අඬන්නේ ඇයි කියලා ......." ප්‍රේක්ෂකාගාරයම විස්මය දනවන අයුරින් මහලු මිනිසා දෙස නෙත් දල්වනවා.

      ඇත්තටම අපි අපේ ජිවිතේ මෙය නොවෙද කරන්නේ.හිනාහවෙන්න දහසකුත් හේතු හෝ පුංචීම දෙයක් තිබුණත් ඒක විශාල විදියට දකින්න බැරිව පුංචී පුංචී දේවල් විශාල කරගෙන මානසික වදවේදනා විඳිම හෝ තමන්ගේ මෙන්ම අනෙකාගේ මානසික නිදහසද විනාශ කරමින් නිරතුරුවම විඳින ජිවිතේ විඳවිමක් කරගෙන නිනව්වක් නැතුව කාලය කා දමමින් තමන්ගේ ජීවීතය කරැමයක් ලෙස හිතමින් මරණය සැපයි කියමින් ශාප කරගන්න මිනිස්සු නැතිද...... ?

        ඇත්තටම ජීවීතය කියන්නේ ප්‍රශ්න පත්‍රයක් එහි ඔබට කිසිම ප්‍රශ්නයක් ,අභියෝග ,බධා,වේදනා,කඩාවැටිම්,දුක, නැත්නම් ඔබ දැනටමත් මැරිච්ච මනුස්සයෙක් යාළුවා .මොකද ජිවත්වෙලා අද දවස වෙනුවෙන් හැප්⁣පිලා අනාගතය සරසන මිනිස්සුන්ට තමයි ඒ ප්‍රශ්න පත්‍රය ලැබෙන්නේ.මරණය කවදා හෝ දවසක එනවාමයි.ඒ වෙනුවෙන් ඔබ කරදර විය යුතු නැහැ .නමුත් ඊට කලින් ඔබට ලැබුණු ඔය ජීවීතයට වටිනාකමක් දෙන්න.මැරෙන්න කලින් ජීවත්වෙන දවස් වෙනුවෙන් නැවත නැවත ඉපදෙන්න එහෙම ඉපදිලා තමන්ට ආදරය කරන ගමන් තමන්ට පුළුවන් විදියට තව කෙනෙක්ට වචනයකින් හරි දිරියක් දෙන්න .හැබැයි නැවත කිසිවක් බලාපොරොත්තුව නොවන පරාර්ථකාමී හැඟිමෙන් දෙයක් ලෝකයට කරන්න.කවදාහරි එදාට ඔබට මැරෙන්න පුළුවන් ලෝකයට වැදගත් දෙයක් දිපූ උදාර මනුෂ්‍යයෙක් විදියට. ඉතිං ඒ දවස එනකන් හැම දවසක ජිවත්වෙන්න.නැත්නම් ඔබට මැරැණා කියලත් නිදහසක් නැතිවෙයි හිතට.මොකද ජිවත්වෙලා ඉන්න කාලය තුළත් එළොව සිහියෙන් මෙළොව අතගාපු විපාක  නිසාම.

        ළඟින් ඉන්න මිනිස්සු ඔබෙන් උදව්පදව් ගත්තු මිනිස්සු වෙනස්වෙද්දී තමන්ට රිඳවගෙන ඒ මිනිස්සුන්ටත් රිඳවනවාද?.එපා ඒ දේ කරන්න එපා .මන්ද තමන්ට තමන් තව දුරටත් අහිමිවීම හා එපාවීමත් තමන් කෙනෙක් වෙනුවෙන් දෙයක් කළානම් ඒ දේවල්වල වටිනාකම අඩුවෙන එක විතරයි වෙන්නේ .යන මිනිස්සුන්ට යන්න දෙන්න නිහතමානීව.දුක හිතෙනවානම් අඬන්න හැබැයි තනියම .ඔබගේ කඳුළු මේ ලෝකයේ කාටවත් දැකීම හෝ පෙන්වීම ඵලක් නැහැ .ලෝකයට ඔබ දුර්වලයෙක් කියලා පෙන්වන්න ඔබට කිසිම උගත්කමක් නැහැ යාළුවා.ඒ නිසා තමන්ට ආදරය කරන්න තමන්ගේ හදවත රැකගන්න නිතරම.කාටවත් ඊරිසියා කරන්න එපා වෛර කරන්න එපා .මුහුණට බැන ගත්තත් මිනිස්සුන්ගේ පිටිපස්සෙන් හිඳගෙන මයින්ඩ් ගේම් දෙන්න එපා .ඔබට කවදාවත් සැනසීමක් නැහැ ඔබව මොහොතින් මොහොත වැනසීමේ යක්ෂයා වෙලාගනීයි.අනික් මිනිස්සු දිහා බලලා හූල්ලන්න එපා තමන් දිහා බලාගෙන තමන්ගේ ජීවීතය තමන්ගේ මනස ලස්සනට කැටයම් කරගන්න .ඔබට ලෝකයේ ඉන්න උතුම් මිනිස්සුන්ගේ ගුණාංග දකින්න පුළුවන් විදියට ඔබේ මනස තියාගන්න.නිතරම මිනිස්සුන්ගේ අඩුපාඩු හෝ වැරදිම එතකොට නොපෙනි යයි.මන්ද නිතරම ඒ දේවල් දකිද්දී ඔබට තියේන විසඳුම් මඟ හැරී යන්න පුළුවන් .

        ඔබ සිතන පතන අයුරැ හා ජිවත්වන රටාව සුභවාදී ලෙස වෙනස් වූ තප්පරයේ පටන් ඔබට සියල්ලම සුභවාදීව හා ඔබේ මනසට සුවදායිලෙස දැනෙන්නට පටන්ගනී.ඉතිං ජිවත්වීමට කොපමණ කාලයක් තියේවීද කියා හරියට කියන්න අපට නොහැකිය.නමුත් ඔබේ ජීවීත ගමනට අරුත එක්කර දවසක ඔබේ පවුලේ හා හිතවතුන් සේම තවත් කෙනෙකුගේ යහපත වෙනුවෙන් නිහඬව සේවයක් කර  හිතේ සතුටින් ඉන්නට හැකිනම් ජිවිතේ ඔබට ඒ සතුට සතුටක් මිසම කිසිදා ඔබගේ භෞතික වස්තුන්වලට සමාන කළ නොහැකිය. ඔබට නැතිදේවල් වෙනුවෙන් කනස්සලු නොවී තියේන දේවල් වෙනුවෙන් ස්තුතියි කරමින් නිතරම ඔබට මේ ලැබී ඇති ජීවීතය ගැන වුවද සතුටින් ඉන්න.එම ආත්ම තෘප්තිය මගින්ම ඔබ ජිවිතේට අවශ්‍ය අනෙකුත් ඉලක්ක හා බලාපොරොත්තු සපුරාගන්න.ඔබේ වටිනාම කෙනා ඔබයි.

               මන්ද ඔබ වගේ කෙනෙක් ඉන්නේ මේ ලෝකයේ ඔබම පමණයි.ඉතිං ඒ ඔබ කියන කෙනාව නිරතුරුවම සිනාහ මුසු මුහුණෙන් හා නොසැලෙන ආත්ම ශක්තියෙන් පුරවා පෝෂණය කරන්න .ඔබට ආදරය කරන්න .ඔ⁣බට ආදරය කරලා දලා ගිය වුවන්ට සමාව දිලා සතුටින් ඉන්න .මතක තියාගන්න ජිවිතේ සතුට ඔබට ලැබෙන්නේ බාහිරින් නොවෙයි ඔබේ ඇතුළාන්තය තුළින් ඔබ නිර්මාණය කරගන්න ආකල්ප හා අදහස් තුළින්මයි.ඒ අදහස් මනුෂ්‍යත්වයෙන් පුරවගන්න.පිඩාවට පත්වෙන දේවලින් නිරතුරුවම සමතුලිතව දරාගෙන ජීවීත ගමන සුන්දර කරගන්න වෙහෙසෙන්න.ඒ වෙහෙස කවදාහරි ඔබේ ජිවිතේ සාර්ථකත්වය පෙන්වයි.ඒ වටිනාකම වෙනුවෙන් හැම මොහොතකම අරුතක් දිවිගමනට එකතු කරගන්න .

✍️ Kamani Suraweera

 (සටහනට කරුණු එකතු කරගන්නේ ධනාත්මක වැඩසටහන් කිහිපයක් තුළින්ය.ඒ අතර jayspot වැඩ සටහන සිදු කරන  ජීනූ  ධර්මකීර්ති මෙනෙවිය විසින් ඉදිරිපත් කරන වැඩසටහන්වල කරුණුද මෙහි අන්තර්ගත වී ඇති බව ප්‍රකාශ කරන අතර මෙම සටහන හිතවතකුගේ ඉල්ලීමක් වෙනුවෙන් ජීවීතයට තැබූ සටහනකි)